آپ پڑھنے میں اچھے ہیں مگر صرف حساب کی وجہ سے آپ کے نمبر متاثر ہوتے ہیں یہ واقعی ایک ایسا مسئلہ ہے جس سے بہت سے طالب علم متاثر ہوتے ہیں کیوں کہ کسی کو کوئی مضمون اچھا لگتا ہے اور کسی کو دوسرا۔
اصل میں کسی مضمون کے سمجھ آنے یا نہ آنے کا تعلق اس بات سے ہوتا ہے کہ آپ کو اس میں کتنی دلچسپی ہے۔ حساب بھی ایک دلچسپی مضمون ہے اگر اس کو دلچسپی سے پڑھا جائے۔ آپ سوچیں کہ دنیا کا تمام کاروبار، سائنس کے حساب کتاب سب اس مضمون کی وجہ سے زندہ ہیں۔ اسے سیکھ کر ہم بڑے سے بڑا مسئلہ حل کرلیتے ہیں۔ اگر آپ اس مثبت سوچ کے تحت حساب پڑھیں تو یقیناً آپ کچھ بہتری پائیں گے۔
اگر حساب میں بنیاد مضبوط نہ ہو تو تب بھی اسے سمجھنے میں مشکل ہوتی ہے، اس لیے آپ کو چاہیے کہ اسکول کی بریک یا فارغ پریڈ میں اپنے حساب کے تیچر سے وہ باتیں سمجھنے کی کوشش کریں جو آپ کی کلاس میں سمجھ نہ آئی ہوں۔ اس طرح طالب علموں کو استاد بھی پسند کرتے ہیں اور ان کی مدد کرتے ہیں۔
اس کے علاوہ حساب میں پریکٹس کی  بھی بڑی اہمیت ہےآپ اس کے سوالات کی جتنی پریکٹس کریں گے اتنے ہی اس مضمون میں ماہر ہوجائیں گے۔